A Hermandad Gallega de Venezuela en Caracas acaba de celebrar o seu 51 aniversario o pasado 12 de outubro. O centro ademais organiza unha serie de actividades durante o seu mes de Aniversario. Así, o venres 28 presentarase no teatro da asociación a obra Los Gemelos; e no Gran Salón gozarase da actividade Tendergal (Tenderete Galego) amenizado pola Coral Aires Galegos. O sábado 29, será a Festa das Meigas na Pista Techada; e o domingo 30, tamén nese recinto, a Gran Feira do Polbo, amenizada por Dannys Band.
Durante o mes de novembro estenderanse as actividades. O día 4, o Grupo de Baile Lembranzas, desenvolverá o seu Especial 2011 no Teatro Rosalía de Castro; e o 5 levarase a cabo o Maratón Step; continuando tamén pola noite o Especial de Lembranzas. O domingo 6, realizarase a Festa para a Terceira Idade coa Banda Sensación.
O venres 11, inauguraranse as Olimpíadas Galegas 2011, que se clausurarán o sábado 26 de novembro. O sábado 12, o grupo musical El Concepto ofrecerá un concerto na Pista Techada; e o sábado 19, desenvolverase o trixésimo primeiro Festival Internacional de Danzas Folclóricas.