A Asociación de Empresarios Gallegos en Argentina (AEGA) desenvolve un seminario para a formación de mozos e mozas emprendedores e emprendedoras. Esta iniciativa teórico práctica ten por obxectivo fomentar o compromiso e o desenvolvemento de proxectos específicos para ampliar a comunidade activa de mozos e mozas "descendentes de españois" en Arxentina.
O presidente da entidade, Rafael Méndez, destacou a importancia de resaltar a identidade e o sentimento de pertenza dos mozos e das mozas que «os potencie como pioneiros no século XXI para liderar e consustanciarse co ideario orixinario». As competencias destas accións formativas capacitan aos e as mozas para que asuman a continuidade da cultura española dentro do colectivo de mozos galegos e galegas en Arxentina.
O curso, que terá parte presencial e parte online, está integrado de seminarios, conferencias e obradoiros. Ademais, haberá lecturas, traballos de diagnostico institucional e proxectos de intervención entre outras actividades. Para poder aprobar o curso é requisito cumprir o 90% das actividades presenciais e o 100% dos traballos en plataforma.