O Goberno aproba o Plan Estratéxico de Cidadanía e Integración 2011-2014
(26/09/2011)
O Goberno aproba o Plan Estratéxico de Cidadanía e Integración 2011-2014
- O seu principal obxectivo é fortalecer a cohesión social - O Plan vén avalado por un proceso de elaboración baseado no consenso e na participación de todos os actores implicados na xestión da integración
23 setembro 2011. O Consello de Ministros aprobou na súa reunión de hoxe, a proposta do ministro de Traballo e Inmigración, Valeriano Gómez, o Plan Estratéxico de Cidadanía e Integración 2011-2014 que ten como principal obxectivo fortalecer a cohesión social, nun novo contexto migratorio caracterizado pola redución de fluxos de entrada de inmigrantes.
O fin que persegue o acordo é reforzar tanto os instrumentos e políticas de integración como os servizos públicos e de participación, para garantir o acceso de todos os cidadáns en condicións de igualdade.
Na actualidade, a integración dos inmigrantes é un dos retos máis importantes que afronta a sociedade española e un alicerce básico da política integral de inmigración posta en marcha polo Goberno desde 2004, xunto coa loita contra a inmigración ilegal, a vinculación da inmigración legal ás necesidades do mercado de traballo e a cooperación ao desenvolvemento dos países de orixe.
O Plan Estratéxico de Cidadanía e Integración 2011-2014 entende a integración como un proceso de adaptación mutua, e deseña unha política baseada en accións que se dirixen a todos os cidadáns, tanto inmigrantes como autóctonos.
A aprobación do novo Plan Estratéxico de Cidadanía e Integración para os anos 2011-2014, que sucederá ao que estivo vixente durante os anos 2007-2010, supón potenciar a política migratoria actual baseada na integración e a normalización da convivencia nunha sociedade diversa.
UN PLAN PARA TODA A CIUDADANIA
No Plan recóllense novas medidas necesarias para dar resposta aos retos do futuro inmediato como son a xestión da diversidade, o fortalecemento do capital humano e a igualdade de oportunidades para garantir a cohesión social.
O Plan vén avalado por un proceso de elaboración baseado no consenso e na participación de todos os actores implicados na xestión da integración. Na súa elaboración participaron as Comunidades Autónomas, os Concellos, os axentes sociais, as asociacións de inmigrantes, as organizacións non gobernamentais e os expertos nesta materia do mundo académico. Ademais, previamente á súa redacción definitiva foi obxecto dun proceso de consulta social, aberto a todos os cidadáns, e someteuse á consideración dos órganos consultivos en materia de integración.
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS