-
Santiago Camba reúnese cos representantes do Lar Gallego nas dependencias do Estadio Español
Nas dependencias do Estadio Español da capital chilena, o secretario xeral da Emigración, Santiago Camba, foi recibido por directores da colectividade galega en Santiago de Chile que preside Myriam López.
Na cita, Camba fixo entrega dalgúns libros á colectividade, entre eles, volumes dun dicionario e unha edición empastada con imaxes da terra galega. Un momento significativo foi a entrega dunha gaita galega para o conxunto de Gaitas do Lar Gallego. Pola súa banda, o grupo reunido onte á noite entregou ao secretario xeral para a Emigración unha botella de viño de selección, produto tradicional das terras chilenas.
A cita antecede ás actividades que Santiago Camba inicia nas cidades de Punta Arenas e Castro, en Chiloé, vinculadas ao estreitamento de lazos cos gobernos das devanditas cidades, as colectividades hispanas e o fortalecemento de redes de empresas chilenas que contan con capitais galegos.