(29/07/2011)
Inmigración. Camacho nega que se usen criterios racistas na identificación de inmigrantes
venres, 29 de xullo de 2011
O ministro do Interior, Antonio Camacho, negou hoxe que a Policía estea empregando criterios racistas nas súas identificacións de inmigrantes, como denunciou o colectivo denominado Brigadas Veciñais de Observación de Dereitos Humanos.
Camacho referiuse a este asunto nunha rolda de prensa na sede da Dirección Xeral de Tráfico (DXT), onde acudiu para coñecer os preparativos da operación saída con motivo das vacacións de agosto.
Durante a súa comparecencia ante os medios, o ministro foi preguntado polo feito de que as Brigadas Veciñais sosteñan que se están facendo identificacións de inmigrantes "pola aparencia das persoas" e seguindo "criterios discriminatorios, racistas, clasistas e xenófobos".
A este respecto, manifestou que as identificacións son unha "obrigación" da Policía. Apuntou que este traballo realízase seguindo a lei e "en ningún momento" aplicando criterios "que non serían admisibles nun Estado de dereito", como a aparencia das persoas identificadas.
O titular de Interior engadiu que a legalidade das identificacións "non implica que nalgún suposto concreto poida producirse algunha disfunción, como se producen noutros ámbitos". Con todo, pediu non "xeneralizar", posto que os policías fan "un labor axustado a dereito".
Por isto, pediu "respecto" para a actuación dos axentes, "sen prexuízo de que poidamos someter a crítica actuacións concretas". Concluíu que a Policía cumpre "unha importante función e faino, con carácter xeral, con pleno respecto á lei, ao dereito e aos principios do sistema no que nos movemos".
(SERVIMEDIA)
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas