A UE atrasa a entrada de Romanía e Bulgaria ao Espazo Schengen

(14/06/2011)

A UE atrasa a entrada de Romanía e Bulgaria ao Espazo Schengen

A Unión Europea (UE) decidiu o xoves aprazar a entrada de Bulgaria e Romanía ao espazo sen fronteiras de Schengen, no medio de preocupacións pola corrupción e inseguridade nos dous países.

Aínda que os dous máis novos membros da UE cumpriron todos os requisitos técnicos, a UE decidiu mantelos fóra da zona de Schengen polo menos ata setembro, indicaron os ministros do Interior da UE durante unha reunión en Luxemburgo.

Romanía e Bulgaria esperaban unirse a Schengen en marzo, pero algúns membros da zona expresaron a súa reticencia, entre crecentes temores pola corrupción e a inseguridade nos dous países.

Mentres tanto, a Comisión Europea, o brazo executivo da UE, propuxo un paquete de políticas revisadas sobre a inmigración, incluíndo a reintroducción dos controis fronteirizos temporais en circunstancias excepcionais.

A proposta da Comisión fíxose despois de que Francia e Italia pediron cambiar as normas de Schengen en abril, tras unha súbita afluencia de inmigrantes ilegais procedentes da rexión mediterránea.

Os máximos líderes da UE teñen programado deseñar novas políticas de inmigración e asilo no próximo cume o 23 de xuño en Bruxelas. (Xinhua)