Emigración colabora con Afammer e Asfem na integración de estranxeiros
(07/06/2011)
Emigración colabora con Afammer e Asfem na integración de estranxeiros
Redacción, Lugo
06 de xuño de 2011
A delegada territorial da Xunta en Lugo, Raquel Arias, e o subdirector xeral de Inmigración e Retorno, Antonio Aguarón, participaron o pasado venres no acto de entrega de diplomas aos preto de 50 alumnos e alumnas -na súa maioría inmigrante- que culminaron con éxito as actividades de formación ocupacional impartidas nos últimos meses pola Asociación de Familias e Mulleres do Medio Rural (AFAMMER) e a Asociación Sociocultural Formación e Emprego (ASFEM).
A Xunta patrocinou en total sete cursos de reciclaxe profesional e capacitación laboral dirixidos a adultos e organizados polas asociacións Afammer e Asfem, entidades ambas dirixidas por Pilar Osorio. Algúns destes cursos forman parte do catálogo de accións formativas dirixidas prioritariamente a desempregados que manexa a Dirección Xeral de Formación e Colocación, dependente da Consellería de Traballo e Benestar.
Ademais de con estas accións formativas, a Xunta, a través da Secretaría Xeral de Emigración colabora coas entidades sociais a través da subvención, para entidades sen ánimo de lucro, dos programas destinados a favorecer os procesos de acollida e integración da poboación inmigrante e retornada. Así, o pasado ano 2010 Emigración sufragou 40.300 euros a través desta liña de axudas a entidades de acción social no campo da inmigración.
O acto de entrega de diplomas contou, ademais de con a presenza de Arias e Aguarón, cunha representación teatral, unha actuación de baile, e a interpretación de varias cancións.
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS