(31/05/2011)
Emigrantes retornados de Suíza preparan un encontro en Malpica
A celebración terá lugar o 12 de xuño.
Emigrantes retornados de Suíza preparan o segundo encontro comarcal de persoas que traballaron nese país e que xa están en Galicia. Será o próximo día 12 de xuño no restaurante Aldeola de Cerqueda- Malpica. Un local maior que o elixido o ano pasado, no que, a pesar de ser a primeira vez, lograron reunir a unhas 250 persoas.
Á vista do éxito e do interese espertado, os organizadores quixeron ampliar o espazo e tamén abrirse a outras zonas: o chamamento agora é a emigrantes que residan en toda Galicia. Os interesados en anotarse teñen ata o día 8 de xuño para facelo no teléfono do restaurante (981720006). No entanto, para calquera tipo de dúbida ou comentario poden chamar aos propios promotores nos teléfonos 646 670 678 e 676 131 963.
O menú custa 35 euros por persoa adulta. Inclúe aperitivo con croquetas, empanada, tartaletas de marisco e bebidas varias. De primeiro, lagostinos á prancha; segundo, solombo ibérico con patacas e ensalada, poste caseiro, bebidas, viño branco e tinto, café, augardente, brandi e groliños.
Os nenos ata 4 anos non pagan, e ata 12, teñen un menú especial de 15 euros a base de croquetas, patacas, milanesa, sobremesa e bebidas. Ademais, haberá un dúo para amenizar o baile A chegada o restaurante está prevista para as 12.30 horas.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas