• Actualmente, dos 20.000 uruguaios residentes no norte de España hai preto de 13.500 na comunidade galega.

Galicia celebrará cunha programación cultural os 200 anos da independencia do Uruguai. Actualmente, dos 20.000 uruguaios residentes no norte de España hai preto de 13.500 en Galicia.

A iniciativa está dirixida tanto aos uruguaios residentes coma á poboación de Galicia, cos que se senten moi próximos, debido á inmigración recíproca que houbo entre a comunidade autónoma e o país sudamericano, onde viven uns 60.000 galegos.

As actividades comezaron o pasado 18 de maio cun concerto do cantautor Martín Buscaglia. Tamén está programado o espectáculo musical do grupo de murga montevideano La Tríada, e en xuño está previsto instalar un busto de José Artigas, "o liberador do país", no consulado xeral de Uruguai en Santiago de Compostela.