GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O Incio rende unha homenaxe aos emigrantes cunha escultura de Álvaro Pereiro

(25/05/2011)

O Incio rende unha homenaxe aos emigrantes cunha escultura de Álvaro Pereiro

 
 
Mércores, 25.05.2011

Un mural realizado en granito silvestre rende homenaxe na nova praza pública da casa do concello do Incio a todas as persoas que viviron a experiencia da emigración. A obra é da autoría do escultor deste municipio Álvaro Pereiro, quen dedicou cinco meses de traballo a dar forma a esta peza, de 2,5 metros de longo e 1,5 de altura.

Segundo explica, o mural foi un encargo do Concello, cuxo alcalde, Anxo Camiño, propuxo como tema a emigración. «O Incio foi un concello no que houbo moitos emigrantes. Primeiro a países como Arxentina ou Cuba, nos anos 60 a Alemaña e despois a outros lugares como Francia, Suíza ou Inglaterra. Sen ir máis lonxe, o meu avó estivo en Cuba e o meu pai en Alemaña», apunta.

Ademais de esculpir a obra, Álvaro Pereiro fixo o bosquexo e ideou a composición, que representa a marcha dun emigrante deixando atrás muller e tres fillos pequenos. A escena complétase cun can e un castiñeiro, árbore autóctona dos montes de Galicia.

Tres pezas
Para o escultor, esta é a súa terceira obra en lugares públicos do Incio. Da súa autoría é tamén o escudo que, dende mediados dos anos 90, loce na fachada da casa do concello, cunha coroa de «900 quilos de peso». Ademais, tallou o busto do párroco Anxo González, que se pode ver no adro da igrexa de San Pedro Fiz de Hospital.

 

TRAXECTORIA

O autor abriu en 1998 o Museo da Pedra en Buxán
Dende o ano 1998, Álvaro Pereiro mantén aberto ao público o Museo da Pedra, na localidade de Buxán, onde exhibe algunhas das súas creacións, xunto con pezas recuperadas en castros da zona, como un muíño ou fragmentos dun machado.

Afección
O interese pola escultura naceulle a moi curta idade. «Supoño que irá algo na xenética», di este veciño, herdeiro dunha familia de canteiros e fascinado dende neno pola heráldica. Ao longo da súa traxectoria expuxo en cidades como Barcelona ou Córdoba, onde mesmo recibiu un premio.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas