GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Emigración e Educación promoven un concurso escolar para sensibilizar na diversidade sociocultural

(03/05/2011)

Emigración e Educación promoven un concurso escolar para sensibilizar na diversidade sociocultural

 
 
Luns, 02.05.2011
  • Os traballos poderán presentarse en calquera tamaño, soporte e material.


A Secretaría Xeral da Emigración e a Consellería de Educación e Ordenación Universitaria organizan o concurso de debuxo e pintura Un mundo de cor. A finalidade da iniciativa é que o alumnado de Educación Primaria, e de Secundaria Obrigatoria, de tódolos centros escolares de Galicia (públicos, privados ou concertados) exprese a súa visión sobre a riqueza da diversidade sociocultural presente na sociedade galega.

As institucións que promoven a acción pretenden con ela achegar a unha reflexión consciente do alumnado sobre a oportunidade e riqueza que supón esta variedade de orixes, etnias, idiomas e culturas, e previr actitudes de rexeitamento do diferente. Así, quérese que os traballos reflictan temas relacionados coa convivencia intercultural, así como os distintos costumes, usos, vestimenta, folclore, etc, das persoas procedentes doutros países e que viven canda nós.

Así, na carta remitida a tódolos centros polo subdirector xeral da Inmigración, Antonio Aguarón, e o de Ordenación e Innovación Educativa e Formación do Profesorado, Manuel Vila, subliñan que “a celebración do concurso é unha oportunidade para que o profesorado achegue ao alumnado o valor da diversidade sociocultural como forma de enriquecernos e abrirnos a novas realidades”.

Ata o 23 de maio
Os traballos poden presentarse realizados con calquera material, técnica e soporte, e en calquera tamaño, e deberán ser remitidos antes do 23 de maio á sede da propia Secretaría Xeral da Emigración. O concurso establece tres categorías diferenciadas: unha primeira para os tres primeiros cursos de Primaria, unha segunda para cuarto a sexto, e a última para estudantes da ESO. As bases do concurso poden consultarse e obterse na web da Secretaría www.galiciaaberta.com

Máis información:

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas