Medio centenar de persoas participaron onte nas xornadas interculturais que organiza o Concello de Arteixo e que este ano se celebran baixo o título Emprendemento Social. O goberno local destacou que existe un descenso de peticións de asesoramento por parte de futuros empresarios inmigrantes asentados no municipio arteixán. Esta caída chega ao 20% respecto ao ano anterior. Por nacionalidades, o Concello explicou que uruguaios e arxentinos son os máis emprendedores no municipio. Este ano o número de empresas que se crearon en Arteixo ascende a 30, se se inclúen autónomos, fronte ás máis de 120 persoas que pediron asesoramento.