(19/04/2011)
O pasado domingo Francia paralizou os servizos na liña ferroviaria con Italia, segundo este último país, para frear a chegada de tunisianos desprazados do seu país polas revoltas. Francia, por contra, afirma que o peche foi temporal e só por razóns de seguridade para evitar conflitos cos manifestantes congregados na estación de Ventimiglia para protestar por outro tema. A Comisión Europea non termina de crerse as explicacións dos franceses ou iso demostra ao asegurar que seguirá “de preto” a disputa. Ademais, non descarta pór en marcha unha política de inmigración firme.
Mentres uns e outros aclaran o sucedido e a Unión Europea toma cartas nun asunto preocupante e falto de todo tipo de solidariedade –máis aínda cando se sabe que os desprazamentos a Europa non responden a un movemento migratorio regular senón ao resultado de conflitos políticos graves–, os inmigrantes seguen sendo ninguneados e maltratados. A visión da inmigración en Europa podería empeorar considerabelmente xa que a ultradereita –que fixo deste un dos seus temas fortes de campaña– pasou dos 5 aos 39 deputados en Finlancia e tamén podería gañar terreo a outras formacións políticas en Francia. No entanto, non estaría de máis lembrar que case todos foron inmigrantes algunha vez.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas