GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Casa de Galicia acolleu a presentación en Madrid da Plataforma Internacional de Cooperación e Migración

(11/03/2011)

A Casa de Galicia acolleu a presentación en Madrid da Plataforma Internacional de Cooperación e Migración

 
 
Xoves, 10.03.2011
  • O novo organismo agrupa 21 organizacións non gobernamentais procedentes de diferentes países europeos e iberoamericanos.

  • Nace coa vontade de xuntar esforzos e formulacións para contribuír á xustiza social no mundo, a solidariedade internacional e o fortalecemento da paz.

  • Entre os seus obxectivos está promover proxectos conxuntos de cooperación.


"A inmigración, en concreto, é un dos problemas máis dramáticos do noso tempo, e a súa solución debe vir da crenza sólida na democracia e no respecto profundo aos dereitos humanos", dixo o coordinador de Actividades Culturais da Casa, Ramón Jiménez en nome do delegado da Xunta en Madrid, José Ramón Ónega, no acto de presentación da nova Plataforma; e continuaba: "Humanismo e democracia, é unha resposta positiva e eficaz, pois na súa filosofía de actuación está a contemplación do home, e da muller, na súa dimensión real, total e universal,".

A mesa estivo integrada tamén por Rafael Rodríguez-Ponga y Salamanca, presidente da Plataforma Internacional de Cooperación e Migración (PICM) e presidente de H+D; Piergiorgio Sciacqua, coopresidente do Centro Europeo para os Asuntos dos Traballadores (EZA, Alemaña) e presidente do Ente Nazionales per Formaziones e Adiestramento dei Lavoratori (EFAL, Italia); María Reina Martín vicepresidente do PCIM e secretaria executiva da Associaçao para a Formaçao, Investigaçao e Desenvolvimento Social dous Trabalhadores (FIDESTRA, Portugal); Francisco Rivas, secretario da PICM e secretario xeral adxunto do Centro Europeo para Asuntos dos Traballadores (EZA, Alemaña) e Tomasz Rózniak, vicepresidente de Polonia.

"Unir, compartir e intercambiar experiencias"; "Cooperar en proxectos" e "xuntar esforzos", son algunhas das liñas xerais que teñen en común todas as ONGs, que integran a Plataforma

As migracións son un feito e nalgúns casos constitúen auténticas "emerxencias", sobre todo cando pequenas poboacións se ven desbordadas por este fenómeno. Ante isto, son precisas actuacións conxuntas. María Reina Martín é vicepresidenta da PICM e ademais de nai española e pai portugués. Coñece o que supón educarse en dúas culturas e aplica a súa experiencia persoal en mitigar desarraigamentos innecesarios. De feito Portugal é o segundo país de 40 que mellor acollida dispensa ao recén chegado.

A Plataforma está composta por 21 organizacións procedentes de Albania, Alemaña, Chile, España, Italia, Polonia, Portugal e Romanía; traballa con dous obxectivos principais: promover proxectos de Cooperación Internacional ao desenvolvemento entre organizacións sociais en Europa, África, Asia e América Latina; e o estudo e análise dos procesos migratorios dende unha dimensión de solidariedade europea.

A Plataforma Internacional de Cooperación e Migración PICM (IPCM en inglés) nace da vontade de varias organizacións con formulacións afíns, que manifestaron a necesidade de contribuír á solidariedade internacional, a paz e a xustiza social, coordinando os seus traballos de cooperación ao desenvolvemento no norte de África e Latinoamérica.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas