O pai da menor, Redawane Hakin, explicou onte que aínda non tivo notificación oficial do traslado e que deberá esperar a recibila para facer declaracións. Hakim xa descartara o traslado do centro cando a Xunta propúxollo porque considera que é inxusto que a súa filla teña que cambiarse de colexio por levar o veo islámico.

A familia indicou hai semanas que o hiyab é un símbolo relixioso, equiparable a levar unha cruz no pescozo, e que a menor o leva por vontade propia: «Tanto a súa nai como eu lle dixemos que llo quite, pero non quere porque di que é o seu costume, a súa relixión e que así a educamos», explicou, á vez que recoñeceu que non iría en contra da decisión da súa filla de levar un símbolo relixioso.

Hakim non entende por que molesta tanto que leve un pano na cabeza: «É unha nena que elixiu levar veo, ¿que dano fai? No único no que nos diferenciamos do resto é na nosa relixión», aclarou, á vez que recoñeceu non entender por que a súa filla podía facer facer sentir mal ao resto dos seus compañeiros. «Non é certo porque todos o aceptaron con normalidade», afirmou.

A familia da pequena sempre pediu respecto: «É o único que pedimos, que acepten a nosa relixión, igual que nós aceptamos todas as relixións do mundo», indicou o pai o pasado 11 de febreiro.

Pilar Souto defende o veo

A alcaldesa de Arteixo, Pilar Souto, nunca ocultou que o centro debía permitir que a alumna leva veo. E ata intentou sen éxito que o consello escolar reformulase a súa postura. Para a rexedora a norma vai en contra dos dereitos fundamentais e de liberdade relixiosa da menor.

A Xunta, en cambio, considera que a normativa é legal e non ve que sexa irregular facer prohibir á alumna levar veo en clase. Insiste en defender a autonomía do centro e asegura que apoiará a súa decisión.