   |
    |
Terrón avoga por desterrar as "pantasmas" da emigración a Alemaña
(04/02/2011)
Terrón avoga por desterrar as "pantasmas" da emigración a Alemaña
03-02-2011 /
Santiago de Compostela, 3 feb (EFE).- A secretaria de Estado de Inmigración e Emigración, Anna Terrón, avogou hoxe por desterrar as "pantasmas" da emigración a Alemaña, que apareceron en España tras coñecerse que a chanceler Angela Merkel estuda ofrecer emprego no país centroeuropeo a mozos españois cualificados e en paro.
Terrón, que se atopa de visita en Santiago de Compostela, onde esta tarde asistirá á inauguración dun seminario sobre emigración organizado pola Universidade, mostrouse partidaria de ofrecer "facilidades" aos mozos españois que acabaron a carreira para que poidan saír e coñecer outros mercados de traballo.
"Neste país dinnos traballo e Alemaña e aparécennos as pantasmas de fai cincuenta ou sesenta anos", sinalou en declaracións a Efe a responsable de emigración, quen defendeu a necesidade de gardar "convenientemente" esas sombras e adaptarse ao "século da mobilidade que é o século XXI".
Terrón subliñou que España forma parte da Unión Europea, que se asenta no principio de libre circulación de persoas nun mercado único onde os países membros compiten uns con outros.
"Hai determinadas profesións nas que o paro é baixísimo, as que teñen que ver coa innovación e coas novas tecnoloxías, e nós estamos facendo o mesmo que os alemáns: competir polo talento europeo", indicou.
Ademais, a responsable de emigración recordou que "hai centos de miles de alemáns residentes en España e bastantes miles traballando aquí".
Por outra banda, Terrón considerou que a oportunidade de trasladarse a Alemaña suporía para os mozos un "valor engadido" xa que poderían aprender un idioma e coñecer como funciona un mercado de traballo distinto do español.
"O importante tanto para a emigración como para a inmigración é que sigamos avanzando neses esquemas de que a saída é voluntaria e non forzada", destacou.
Por outra banda, a Secretaria de Estado anunciou a súa intención de reunirse esta tarde co presidente da Xunta, Alberto Núñez Feijóo, para coñecer as preocupacións do Goberno autonómico en materia de emigración e inmigración e tratar asuntos como a reforma da lei electoral, que suprime o voto emigrante nas eleccións municipais.
A este respecto, Terrón destacou a "actitude coherente" do Goberno central ao primar o principio de veciñanza sobre o de nacionalidade nestes comicios xa que "parece lóxico que quenes convivan e organicen as cuestións da cidade sexan as persoas que efectivamente están nelas".
Con respecto á planificación do Goberno central en materia de inmigración, a secretaria de Estado anunciou que nos próximos días presentarase a nova lei de estranxeiría, que segundo destacou axústase aos novos ciclos migratorios.
Neste sentido, apuntou que é "evidente" que en España se produciu un "cambio" de tendencia, xa que ao non haber postos de traballos dispoñibles a entrada de inmigrantes reduciuse. EFE
03-02-2011 /
Santiago de Compostela, 3 feb (EFE).- A secretaria de Estado de Inmigración e Emigración, Anna Terrón, avogou hoxe por desterrar as "pantasmas" da emigración a Alemaña, que apareceron en España tras coñecerse que a chanceler Angela Merkel estuda ofrecer emprego no país centroeuropeo a mozos españois cualificados e en paro.
Terrón, que se atopa de visita en Santiago de Compostela, onde esta tarde asistirá á inauguración dun seminario sobre emigración organizado pola Universidade, mostrouse partidaria de ofrecer "facilidades" aos mozos españois que acabaron a carreira para que poidan saír e coñecer outros mercados de traballo.
"Neste país dinnos traballo e Alemaña e aparécennos as pantasmas de fai cincuenta ou sesenta anos", sinalou en declaracións a Efe a responsable de emigración, quen defendeu a necesidade de gardar "convenientemente" esas sombras e adaptarse ao "século da mobilidade que é o século XXI".
Terrón subliñou que España forma parte da Unión Europea, que se asenta no principio de libre circulación de persoas nun mercado único onde os países membros compiten uns con outros.
"Hai determinadas profesións nas que o paro é baixísimo, as que teñen que ver coa innovación e coas novas tecnoloxías, e nós estamos facendo o mesmo que os alemáns: competir polo talento europeo", indicou.
Ademais, a responsable de emigración recordou que "hai centos de miles de alemáns residentes en España e bastantes miles traballando aquí".
Por outra banda, Terrón considerou que a oportunidade de trasladarse a Alemaña suporía para os mozos un "valor engadido" xa que poderían aprender un idioma e coñecer como funciona un mercado de traballo distinto do español.
"O importante tanto para a emigración como para a inmigración é que sigamos avanzando neses esquemas de que a saída é voluntaria e non forzada", destacou.
Por outra banda, a Secretaria de Estado anunciou a súa intención de reunirse esta tarde co presidente da Xunta, Alberto Núñez Feijóo, para coñecer as preocupacións do Goberno autonómico en materia de emigración e inmigración e tratar asuntos como a reforma da lei electoral, que suprime o voto emigrante nas eleccións municipais.
A este respecto, Terrón destacou a "actitude coherente" do Goberno central ao primar o principio de veciñanza sobre o de nacionalidade nestes comicios xa que "parece lóxico que quenes convivan e organicen as cuestións da cidade sexan as persoas que efectivamente están nelas".
Con respecto á planificación do Goberno central en materia de inmigración, a secretaria de Estado anunciou que nos próximos días presentarase a nova lei de estranxeiría, que segundo destacou axústase aos novos ciclos migratorios.
Neste sentido, apuntou que é "evidente" que en España se produciu un "cambio" de tendencia, xa que ao non haber postos de traballos dispoñibles a entrada de inmigrantes reduciuse. EFE
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas