(01/02/2011)
Só o 13% dos estranxeiros non comunitarios quere votar o 22 de maio
Segundo datos do INE, un total de 45.554 inmigrantes inscribíronse no censo electoral.
Autor:
Efe
Data de publicación:
31/1/2011
Só o 13% dos máis de 350.000 estranxeiros non comunitarios que teñen dereito a votar nas eleccións municipais do próximo 22 de maio expresou o seu desexo de concorrer a estes comicios.
Así, segundo datos provisionais facilitados a Efe polo Instituto Nacional de Estatística (INE), un total de 45.554 inmigrantes inscribíronse no censo electoral.
A Oficina do Censo Electoral, tal e como recordaron as mesmas fontes, dirixiu cartas personalizadas a ao redor de 350.000 cidadáns orixinario dos países que teñen un acordo en vigor con España para que poidan acudir ás urnas nos comicios locais.
De todos eles, só se rexistraron 45.554 estranxeiros residentes, aínda que esta cifra pode variar a final de mes cando o o Censo resolva os expedientes que teñen algún defecto de forma.
Por orde de número de solicitudes, os países orixinarios dos estranxeiros que se inscribiron son Ecuador (22.213), Colombia (11.195), Perú (5.365), Bolivia (4.209), Chile (1.131), Noruega (790), Paraguai (574), Nova Zelandia (31), Islandia (24) e Cabo Verde (22).
A pesar de que a Comunidade de Madrid acolle un gran número destes inmigrantes, só presentaron a súa solicitude para votar 570 cidadáns, segundo informou recentemente o delegado de Facenda do Concello da capital, Juan Bravo.
Ata agora, só tiñan dereito a voto nas eleccións municipais os cidadáns da Unión Europea.
Ademais de ser maior de idade, o requisito para inscribirse, cuxo prazo pechou o 25 de xaneiro, é residir de forma legal en España durante polo menos cinco anos, que no caso dos noruegueses redúcese a tres.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas