Os estradenses en Cuba renden honras a Dono

(19/01/2011)

Os estradenses en Cuba renden honras a Dono

O alcalde da Estrada foi proposto como socio de honra pola súa contribución a estreitar lazos.

Autor:

m. garabantes

Data de publicación:

18/1/2011

A Sociedade Fillos do Concello da Estrada na Habana inaugurou o seu calendario de citas para este ano cunha xunta de asociados na que elixiu aos merecedores dos títulos honoríficos que concede anualmente. O alcalde estradense, José Antonio Dono, foi proposto como socio de honra pola súa contribución á mellora e «estabilización» das relacións entre o Concello e a comunidade de estradenses residentes en Cuba. A visita de Dono á illa en maio do ano pasado foi determinante para estreitar lazos entre ambos os lados do Atlántico. Ademais do alcalde, será nomeado tamén socio de honra o emigrante estradense Pelayo Torrado Pontes (A Estrada, 1920), que xa ostenta o título de socio de mérito. Pola súa banda, a secretaria do colectivo, Gódula Rodríguez Señariz (A Habana, 1947) será nomeada secretaria de mérito. As distincións entregaranse en xuño, nas celebracións do San Paio na Habana. Dos 318 socios do colectivo, nove son naturais da Estrada, 161 descendentes e 74 de nacionalidade española.