(17/01/2011)
O Goberno multiplica por cinco o rexeitamento ás reagrupacions de inmigrantes desde 2007
Unha de cada catro peticións denégase porque non cumpre os requisitos económicos
MONICA VÁZQUEZ - SANTIAGO Conseguir un visado de residencia para un familiar directo converteuse nunha misión case imposible para centos de inmigrantes fincados en Galicia aos que a crise golpeou con forza. Nos últimos tres anos as solicitudes de reagrupación familiar rexeitadas multiplicáronse case por cinco. En 2007, apenas o 5,75% das peticións tramitadas en Galicia acababa recibindo unha negativa do Goberno. A situación é moi distinta desde fai tres anos e ata se agravou durante 2010, xa que das 1.346 solicitudes recibidas ata finais de outubro, o último dato dispoñible, un total de 327, o 24,5%, foron denegadas e outras 13 arquivadas.
A causa deste espectacular repunte dos rexeitamentos é a crise. Tanto o Goberno como os sindicatos e as organizacións de apoio á inmigración en Galicia coinciden en que a conxuntura económica e o paro golpearon con forza a este colectivo, deixándoo nunha situación de vulnerabilidade que fai moi costa arriba cumprir os requisitos económicos esixidos. O Goberno pide uns ingresos equivalentes ao 120% do Iprem (Indicador Público de Renda de Efectos Múltiples) para cada membro da unidade familiar pero é algo excesivo, polo que un emigrante cun soldo de mil euros non pode traer á súa familia. Ademais, a referencia é o soldo neto e réstanselle os gastos do aluguer.
A CIG entende estas restricións polo temor do Goberno español a que se cre "unha bolsa de marxinalidade e un problema social serio" con este colectivo similar ao que sofren países como Francia.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas