Alumnos de seis centros de Pontevedra reciben os premios Interculturlidade

Alumnos de seis centros de Pontevedra reciben os premios Interculturlidade
Localidade:
pontevedra/a voz.
Data de publicación:
18/12/2010 - 

A concelleira de Benestar Social, Margarita Castejón, entregou onte os premios da cuarta edición do concurso Interculturalidade, que organiza o Concello co apoio da Secretaría Xeral de Emigración da Xunta de Galicia e do Ministerio de Traballo e Inmigración. O obxectivo do concurso é o fomento dun conxunto de valores e crenzas que buscan fomentar o pluralismo cultural dentro dunha sociedade cada vez máis diversa. Esta actividade serve para facilitar o coñecemento das diversas culturas e favorecer a comprensión do feito diferencial como algo que posibilita o enriquecemento mutuo.
Nesta edición participaron 319 alumnos de ensino non universitario dos colexios e institutos do municipio. Os alumnos de Educación Infantil, participaron na modalidade de debuxo; os de Educación Primaria concursaron redactando contos; e os de Educación Secundaria, en cómic.
Os premiados recibiron libros, películas e cedés relacionados coa interculturalidade.