(16/12/2010)
Os inmigrantes deben apuntarse antes do 15 de xaneiro para votar
Poderán facelo cidadáns de Bolivia, Chile, Colombia, Ecuador, Noruega, Nova Zelandia, Paraguai e Perú
EFE / MADRID Os inmigrantes que residen de xeito legal en España e que proceden de países cos que España ten un acordo vixente deberán inscribirse no censo electoral antes do 15 de xaneiro se queren votar nas próximas eleccións municipais.
Así o explica o Ministerio de Traballo e Inmigración nun comunicado, no que dá conta da última reunión da Comisión Permanente do Foro para a Integración Social dos Inmigrantes, que se celebrou este mércores e que abordou a participación dos inmigrantes nos comicios municipais.
Os países que teñen un acordo vixente con España nesta materia son Bolivia, Chile, Colombia, Ecuador, Noruega, Nova Zelandia, Paraguai e Perú.
Así, os cidadáns destes países que viven en España de forma legal poderán exercer libremente o seu voto si se inscriben antes do 15 de xaneiro no censo electoral.
Na reunión da Comisión Permanente tamén se informou de que a Oficina do Censo Electoral dirixiu cartas personalizadas aos estranxeiros residentes que teñen dereito a inscribirse informándolles do procedemento.
A páxina web do Instituto Nacional de Estatística (INE) tamén conta con toda a información respecto diso.
Co fin de reforzar as actuacións de información postas en marcha, o Ministerio asegura que promoverá a colaboración coas asociacións de inmigrantes para facilitar o acceso á información.
Así mesmo, a Comisión Permanente do Foro para a Integración Social dos Inmigrantes fará un seguimento da campaña informativa e de divulgación sobre o procedemento de inscrición na oficina electoral.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas