(14/12/2010)
Os inmigrantes coñecen os seus dereitos e deberes como consumidores en Galicia
Luns, 13 de Decembro de 2010
A Xunta de Galicia e o Instituto Galego de Consumo desenvolven o programa 'Brandan', que dará a coñecer aos inmigrantes das catro provincias galegas os seus dereitos e deberes como consumidores, ademais de como aforrar nas tarifas eléctricas.
A Secretaria Xeral de Emigración explicou nun comunicado que o programa está dirixido especialmente aos residentes extracomunitarios, aínda que tamén poden participar os galegos retornados e os profesionais que traballan na área da inmigración.
O programa formativo xa se impartiu en Ourense e está previsto que os días 13, 17 e 20 de decembro se desenvolva en Oleiros (A Coruña), Pontevedra e Lugo, respectivamente.
As unidades didácticas impártense en horario de tarde, desde as 16 ás 20 horas e os interesados en asistir poden consultar a páxina da Secretaría xeral de Emigración, www.galiciaaberta.com. RedInmigrante.es
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas