Os colectivos da emigración esixen a Feijoo que recorra ao Constitucional a limitación ao seu voto

Os colectivos da cidadanía galega e española no exterior non só non dan por perdida a súa loita para manter o seu dereito ao voto nas eleccións municipais, senón que intensifican as súas accións legais contra esta limitación. Así, ultiman un encontro en Madrid o próximo mes para mostrar o rexeitamento unánime, e os centros galegos de Suíza están a intentar que a vía do Tribunal Constitucional sexa utilizada tamén pola Xunta.

Os seus representantes acordaron esixir ao presidente galego, Alberto Núñez Feijoo, que «manifeste publicamente e adquira ou compromiso de que no caso de que se nos quite ou dereito de voto nas municipais asuma ou compromiso de presentar recursos de inconstitucionalidade». Consideran que a reforma electoral, que apoian PSOE e PP, será o maior retroceso democrático na historia recente de España, polo que piden a Feijoo que non a avale.