(02/11/2010)
José Nogueira, concelleiro de Persoal e Interior do Concello coruñés, do que depende a oficina do padrón, constata que a chegada de estranxeiros á cidade «detívose nos últimos meses debido ao impacto da crise económica, pero a boa noticia é que os que están non se foron, talvez porque están perfectamente integrados e o sistema de protección municipal está a funcionar».
Nogueira asegura que a porcentaxe de poboación foránea da Coruña, un dez por cento, «é sorprendente, sobre todo se se ten en conta que estamos nunha esquina de Europa e que somos unha cidade mediana-pequena».
135 países
O edil coruñés destaca «a variedade das procedencias, cun total de 135 países representados dos cinco continentes, aínda que, como é lóxico, o que máis abundan son os suramericanos, cos que hai uns lazos históricos desde os tempos da emigración».
No entanto, José Nogueira non cre que a presenza de inmigrantes teña un efecto decisivo na evolución da poboación na cidade. «O número de estranxeiros que se incorporan ao padrón da cidade é menor que o das persoas que regresan á metrópoli uns anos despois de estar nos municipios limítrofes». E é que, indica o edil coruñés, «o fluxo de persoas que retornan incrementouse, pero tamén decreceu o número de mozos que se marcharon debido ás activas políticas de promoción de vivendas públicas que puxo o Concello en marcha».
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas