(14/10/2010)
Caldas. Begoña Castro ultima cos centros educativos as datas das xornadas sobre integración
Localidade: caldas/a voz
Data: 14/10/2010
A concellaría de Servizos Sociais de Caldas ultima cos centros educativos do municipio o calendario das xornadas de sensibilización sobre inmigración. Así o indicou onte a edila Begoña Castro, que incidiu en que esta iniciativa enmárcase no primeiro Plan Local de Integración e Convivencia, aprobado polo pleno do Concello o pasado xullo.
As xornadas de sensibilización estarán impartidas polo poeta e músico senegalés Abdoulaye Bilal Traoré. Constarán de dous partes, unha charla-coloquio dunha hora de duración e outra hora de clases de djembé, un instrumento de persecusión africana. Abdoulaye Bilal Traoré colabora desde fai tempo co Concello e o pasado día 8 presentou na Biblioteca Municipal de Caldas o seu libro Oculto ao sol.
O Plan Local de Integración e Convivencia desenvolverase ata o ano 2014. A súa redacción concluíu durante o curso de verán da USC sobre inmigración en Galicia. O documento contempla distintas áreas de actuación como a de acollida e acompañamento, sensibilización, educación, vivenda, servizos sociais, emprego e formación, e muller, entre outras. En Caldas hai 440 inmigrantes censados.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas