Médicos sen Fronteiras denuncia o abandono de centos de migrantes subsaharianos no deserto
(04/10/2010)
Médicos sen Fronteiras denuncia o abandono de centos de migrantes subsaharianos no deserto
Axencias
Médicos Sen Fronteiras declararon que Marrocos expulsou por centos de inmigrantes, incluídas mulleres e nenos, a unha terra de ninguén, sen comida nin auga, logo das violentas redadas efectuadas en varias cidades do país do África do norte.
O grupo humanitario afirma que entre 600 e 700 persoas foron arrestadas durante as redadas entre o 19 de agosto e o 10 de setembro, e abandonadas preto da fronteira entre Marrocos e Alxeria. MSF asegura que a policía algunhas veces destruíu os refuxios nos que habitaban os migrantes con escavadoras.
A organización MSF asegura que atendeu a 186 migrantes, entre eles 103 que tiñan lesións e feridas causadas polos violentos arrestos. O portavoz do goberno de Marrocos non respondeu ás chamadas para dar a súa versión dos acontecementos descritos pola ONG de médicos.
Marrocos, a miúdo, é utilizado polos migrantes como punto de paso desde África cara a Europa.
Europa e Marrocos asinaron acordos en materia de cooperación para combater a inmigración cara a Europa, mediante os cales Europa proporciona a Marrocos recursos para combater a inmigración. Moitos grupos de defensa dos dereitos humanos denuncian desde fai tempo que estes acordos que converten a Marrocos en xendarme das fronteiras de Europa, viola os dereitos dos emigrantes, xa que Marrocos non respecta os mesmos, e Europa mira para outro lado.
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS