(24/09/2010)
Quince inmigrantes á caza da cociña galega
23.09.2010
P. HERMIDA
Os alumnos do curso de cociña para inmigrantes elaboraron onte suculentas cocadas e esvaradíos tocinillos de ceo
INTEGRACIÓN EN FERROL A procura dun emprego convértese nunha proba de Hércules, sobre todo para os inmigrantes. Para fomentar o seu acceso a traballos en hostalería ou servizo doméstico, o Concello de Ferrol inaugurou onte un curso de cociña dirixido a este colectivo. Quince mozos de once nacionalidades aprenderán os pratos típicos galegos, nacionais e ata internacionais. Segundo a edil de Benestar Social, María López, "formaranse con 345 horas repartidas entre o obradoiro de Gascón e os locais de hostalería de Ferrol". Retocando pasteis de coco, a colombiana Ingrid Alegría recorda que sempre me gustou a cociña, a miña nai tiña un restaurante e lévoo no sangue". Confía en que o curso "ábrame portas e traballos, entre os compañeiros hai bo ambiente e xa preparamos unhas tortillas de patacas".
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas