Comunicación do Centro Galego de Nürnberg informando do cambio de datas na celebración do Congreso Europeo da Xuventude Galega no Exterior.
Estimad@s amig@s:
Debido a razóns de carácter loxístico, vémonos na necesidade de aprazar o Congreso Europeo da Xuventude Galega no Exterior, organizado na nosa cidade polo Centro Galego de Nürnberg e previsto para o 24, 25 e 26 de setembro. As novas datas dispostas son a fin de semana do 5, 6 e 7 de novembro.
Deste xeito, reiteramos a invitación a xuventude de orixe galega residente no exterior, en países europeos, a participar neste evento para o que aínda existen contadas prazas.
A data límite para a presentación de novas solicitudes fíxase no venres, 21 de outubro de 2010.
A través do seguinte enlace (picar aquí) podedes acceder a toda a información do devandito Congreso.
Unha aperta.
Miguel Angel Álvarez Portela
Presidente do Centro Galego de Nürnberg
