(29/07/2010)
A Federación de Entidades Culturais Galegas de Catalunya (Fegalcat) decidiu celebrar o seu encontro anual en Compostela para gozar do ambiente do Xacobeo. Entre o 11 e o 12 de agosto, un nutrido grupo de emigrantes galegos en Cataluña e outro de desprazados a Arxentina estreitarán lazos nunha reunión na que está previsto realizar unha homenaxe á cantante Ana Kiro.
O 11 de agosto, haberá unha misa en honra ao Apóstolo na catedral que se celebrará ás 18 horas. Despois, os máis novas están convocados a participar na festa do San Campio de Vedra, que terá lugar no campo da festa de San Miguel de Sarandón.
A xornada do 12 de agosto estará dedicada á emigración. O Concello de Vedra e a Fegalcat inaugurarán sendas exposicións dedicadas a aquelas persoas que abandonaron Galicia en busca dun futuro mellor. A mostra do Concello está dedicada aos que emigraron a Arxentina, mentres que a Fegalcat dará a coñecer á comunidade galega en Cataluña.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas