As vacacións da emigración

(26/07/2010)

As vacacións da emigración

O descenso no número dos veraneantes repercute na economía do comercio e a hostalería

Os concellos do Carballiño, Avión e Beariz notan un descenso do 25% dos veciños que chegan de América

Autor:

C.P.

Localidade:

ou carballiño/a voz.

Data

25/7/2010

As comarcas do Carballiño e do Ribeiro, as dúas da provincia ourensá que máis emigrantes teñen, tanto en América como en Europa, están notando un importante descenso no retorno dos seus conveciños á hora de pasar as súas vacacións en terras galegas. Un descenso que xa se detectou durante os últimos tres anos, pero que actualmente se deixa sentir aínda máis.

«Hai bastante xente menos que o ano pasado que xa foi frouxo, nótase moito e iso que, como nos últimos anos xa foi baixando, esperábase, pero é do 25% menos que en 2009», recoñece o rexedor de Beariz, Manuel Prado, afeito a que o seu municipio chegase case a triplicar a súa poboación durante o período estival.

En situación similar está o municipio de Avión, aínda que o aumento de poboación nótase desde finais de xuño, pero segue descendendo de forma paulatina. No Carballiño a redución é aínda máis notable, segundo ratifican as axencias de viaxe que tramitan xeralmente o traslado desde América a España e viceversa, que notan un descenso de entre o 20 e o 30% nos billetes. O comercio e a hostalería botan de menos tamén aos clientes asiduos nos últimos veráns.

Prado López achaca o descenso en varios factores confluyentes: a crise económica global, o cambio de moeda e o calendario escolar que non coincide co español e obriga ás familias a estar nos seus lugares de residencia habituais desde mediados do mes de agosto.