(08/07/2010)
En Lugo hai máis de cinco mil inmigrantes extracomunitarios (no conxunto de Galicia, 106.000), segundo o secretario xeral de Emigración da Xunta, José Santiago Camba Bouzas. Onte asinou un convenio co alcalde, José López Orozco, polo que se financia con 52.000 euros unha unidade de información, orientación e inserción sociolaboral de emigrantes residentes na capital lucense.
Da citada cantidade, a Xunta achega 35.000 euros e o resto pono o Concello. O alcalde recordou que o Concello ten en marcha distintos programas para a integración de inmigrantes. Aludiu aos cursos que se imparten no CEI, así como os de español para estranxeiros e a creación dun campo de béisbol como espazo para a integración.
Pola súa banda, Camba Bouzas recordou que Galicia foi país de emigrantes e dixo que é de ben nacidos ser agradecidos. Destacou o traballo que realizan neste terreo os concellos e declarouse municipalista convencido.
Adxudicación
A mesa municipal de contratación adxudicou en 122.000 euros a conexión con fibra óptica dos centros sociais e culturais.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas