A Secretaría Xeral de Emigración da Xunta achegará un total de 395.000 euros para o mantemento das unidades de información, orientación e asesoramento aos inmigrantes, entre as que se inclúe a creada en Compostela.

De feito, hoxe mesmo está previsto que Raxoi e a Secretaría Xeral de Emigración asinen un convenio de colaboración mediante o que o Executivo autonómico encargarase de financiar a unidade ao longo deste ano, tras o que se procederá á rúbrica de acordos semellantes cos alcaldes das outras seis cidades de Galicia.

Os centros de atención ao inmigrante teñen como obxectivo asesorar aos inmigrantes sobre a súa situación xurídica e os trámites para conseguir o permiso de residencia ou a nacionalidade.