(24/06/2010)
«Satisfanme cousas da emigración para que se coñezan en Galicia»
manuel laxa Escritor sobre temas da emigración
O compostelán Manuel Losa emigrou a Uruguai coa súa familia en 1953, canto tiña 13 anos. E chegou a crear un selo editorial para publicar libros sobre a súa peripecia vital na emigración e a doutras persoas. Onte presentou na Librería Couceiro a segunda edición da biografía de Xesús Canabal (Amenal, O Pino, 1897-Montevideo, 1985), que editou Galaxia co título A Galicia de Montevideo. Unha biografía de Xesús Canabal .
-¿Coñeceu a Xesús Canabal?
-Foi contemporáneo meu, aínda que cunha diferenza de idade, pero don Jesús estivo presente na traxectoria da emigración galega en Uruguai. Era un referente non só para a comunidade galega emigrante, senón tamén para os refuxiados e da intelectualidade. Era o soporte económico.
-¿Tratábase de facerlle xustiza?
-Si, e de que en Galicia se coñeza a súa personalidade e a súa traxectoria, o seu altruísmo e a súa xenerosidade. Sen ser un político foi nomeado ministro plenipotenciario polo seu enorme carisma.
-¿Nesta segunda edición revisou a obra?
-Si, está corrixida e aumentada, porque se precisan algúns datos ou pequenas cousas, e incorporei algunhas anécdotas e unhas poucas fotografías. A primeira publiqueina no 2007 e esgotouse completamente, así que preparei a segunda e Galaxia aceptou de inmediato a miña proposta de editala e estou moi satisfeito. Cambiáronlle o título ao libro con moito acerto.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas