(21/06/2010)
A Xunta presenta opcións de retorno para emigrantes
Preséntanse os requisitos legais --trámites consulares, inscricións e certificados--, os incentivos e as axudas ás que optarían se decidisen regresar a Galicia
EUROPA PRESS Mar do Prata acolleu este fin de semana a primeira das catro conferencias-taller que se celebrarán estes días en Arxentina e Uruguai, e nas que a Xunta dará a coñecer as opcións de retorno a Galicia que teñen os emigrantes galegos e os seus familiares.
José Otero, responsable do programa de mediación intercultural da Administración autonómica, achegouse ata o centro galego de Mar do Prata para presentar aos asistentes os requisitos legais --trámites consulares, inscricións e certificados--, os incentivos e as axudas ás que optarían se decidisen regresar a Galicia.
Neste último apartado, destacou a convocatoria --aberta desde abril a setembro-- de subvencións para atender situacións de necesidade e precariedade económica. A contía é variable e establécese segundo as características de cada caso concreto.
Otero estivo acompañado polo presidente da entidade, Francisco Solla, quen agradeceu ao Executivo galego elixir esta localidade como un dos puntos onde realizar as charlas.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas