A Fundación Galicia Emigración organiza un curso de atención sociosanitaria en domicilio a persoas dependentes que se celebrará en Ourense a partir do 21 de xuño e que está destinado a inmigrantes e emigrantes retornados. O obxectivo é favorecer a integración laboral deste colectivo. De feito, neste tipo de accións formativas existe un compromiso previo de contratación de parte do alumnado. O curso, de 120 horas, é gratuíto. Os alumnos aprenderán a atender, na súa casa, a persoas que teñan limitada a súa autonomía persoal e necesiten apoio.