Moreda: ´É inmoral que os fillos e netos de emigrantes voten nas municipais´

(11/06/2010)

Moreda: ´É inmoral que os fillos e netos de emigrantes voten nas municipais´
O presidente da Deputación da Coruña tamén rexeita a participación dos españois de orixe con dobre nacionalidade nas eleccións autonómicas e xerais

A directora da Cidadanía Española no Exterior, xunto a Méndez Romeu, Louro, Pouse e Moreda. / v. echave

R. PRIETO | A Coruña Sen andrómenas dixo en público, o que moitos políticos só se atreven a comentar na intimidade. E fíxoo por sorpresa, nun acto en que a súa intervención non estaba prevista. O presidente da Deputación da Coruña, Salvador Fernández Moreda, asistiu como público a unha conferencia sobre o voto emigrante a cargo da directora da Cidadanía Española no Exterior,Pilar Pin, e acabo converténdose en protagonista da charla. "É inmoral que os emigrantes e que os seus fillos e netos, que nunca estiveron aquí, teñan dereito a votar nas eleccións municipais e decidir quen goberna un concello", apuntou ao termo da conferencia tras ser invitados os asistentes a unha rolda de preguntas.

Pero Moreda, deixou as cuestións ao carón e fixo a súa propia reflexión. "O seu voto pode acabar afectándome na miña vida diaria", cuestionou o presidente da Deputación da Coruña, galardoado en 2006 polo Ministerio de Traballo coa Medalla de Ouro da Emigración. As súas reflexións foron máis aló e ata cuestionou a participación dos propios emigrantes nas autonómicas e xerais. A diferenza, segundo apuntou, está na dobre nacionalidade dos españois con dereito de sufraxio. "O que ten dobre nacionalidade, non pode votar en Arxentina e España", apuntou Moreda, á vez que defendeu manter as axudas aos emigrantes, pero non aos seus fillos, netos e bisnietos. "Noutras épocas de bonanza, podíase facer, pero agora temos que reformularnos esta prestación de servizos asistenciais" aos descendentes.

Na súa intervención, Pilar Pin fixo un repaso sobre a reforma do sufraxio exterior a debate no Congreso e alertou das dificultades técnicas para aplicar o voto en urna.