(31/05/2010)
A UE analiza como frear a inmigración ilegal e controlar as finanzas das mafias
Reunión do G-6 con Estado Unidos
--------------------------------------------------------------------------------
- Sábado, 29 de maio de 2010
A reunión do G-6 celebrada na localidade italiana de Varese.EFE
A necesidade de lograr acordos para o control da inmigración ilegal cos países de tránsito ou orixe da mesma e as medidas necesarias para unha mellor interceptación das redes de financiamento e branqueo de capitais das mafias centraron a reunión do G-6 con Estados Unidos celebrada en Varese (Italia)
O G-6 é un conxunto non oficial dos Estados membros con maior peso no Consello Europeo1 que se reúne para tratar asuntos de inmigración e seguridade.
Así, ao encontro asistiron os responsables de Interior de Italia, Roberto Maroni; Alemaña, Thomas de Maizière; Francia, Brice Hortefeux2; Reino Unido, Theresa May; e Polonia, Jerzy Miller.
A reunión, que celebra nesta ocasión a súa décimo cuarta edición, contou tamén coa presenza do ministro de Interior español, Alfredo Pérez Rubalcaba3; a comisaria europea de Interior, Cecilia Malmstrom e o fiscal xeral de Estados Unidos, Eric Holder4.
Significativo descenso
Durante a primeira sesión, centrada en asuntos de inmigración, a Presidencia española expuxo o "significativo descenso" na chegada de inmigrantes ilegais que supuxeron os acordos asinados con países do sur do Mediterráneo, en especial Libia.
Así, Rubalcaba destacou que, no que vai de ano, a chegada de pateras ás costas españolas caeu un 80% con respecto ao mesmo período do ano pasado e nos primeiros meses de 2010 chegaron 543 inmigrantes fronte aos 2.837 que o fixeron nos mesmos meses de 2009.
"Se tivemos algún éxito, foi o de conseguir implicar na loita contra a inmigración irregular aos terceiros países, aos países de orixe e de tránsito desa inmigración. Pero, en xeral, o ideal é que os inmigrantes non salgan porque, se saen, poñense en mans das mafias e xóganse a vida", engadiu.
O titular de Interior de España afirmou que a "fórmula de éxito" para lograr que os inmigrantes non salgan irregularmente dos seus países de orixe é que estes e os de tránsito impídano con bos sistemas policiais e de control de fronteiras e que faciliten vías de inmigración legal.
A segunda xornada de traballo, desenvolvida durante a mañá do sábado, centrouse na loita contra o crime organizado e na importancia da investigación sobre o branqueo de capital e as vías de financiamento como a mellor fórmula para chegar a estas redes.
Neste sentido, os países participantes acordaron que a Presidencia Española coordine coa Comisión Europea5 a organización en Bruxelas dunha reunión de expertos a nivel técnico no tema de branqueo de capitais, que será continuación doutro encontro celebrado en febreiro en Alacante.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas