(12/05/2010)
O Instituto da Muller impulsa a 'visibilización' da muller emigrante e retornada
A directora xeral, Laura Seara, explicou no encontro de Madrid que para iso se está realizando un estudo sobre a emigración feminina e unha exposición itinerante
H.D. - Madrid - 12-05-2010
A directora xeral do Instituto da Muller, Laura Seara, prometeuno na súa toma de posesión: a muller emigrante sería unha das súas prioridades de traballo. Presidindo o acto de clausura do encontro de mulleres emigrantes e retornadas que tivo lugar en Madrid falou da necesidade de 'visibilizar' ás mulleres que sempre traballaron na rede asociativa e explicou que se encargou un estudo sobre a situación actual da muller emigrante ademais dunha exposición itinerante que servirá como punto de inicio dun debate máis profundo nos países que percorra.
Laura Seara, en primeiro termo, durante o encontro con Sonia Torre e Isabel García.
Laura Seara escoitou ás emigrantes e retornadas que participaron no encontro organizado en Madrid pola Coordinadora Europea de Asociacións de Emigrantes e fixo súas as súas peticións, fundamentadas sobre todo na necesidade de formación, información e investigación. O Instituto da Muller, quen colaborou co encontro, segundo anunciou a súa directora xeral xa puxo en marcha dúas iniciativas: unha, un estudo actualizado sobre a situación da muller emigrante, e outra, unha exposición itinerante que buscará ser o punto de partida dun debate máis intenso. Laura Seara recordou ás presentes o seu importante papel no nacemento e mantemento do movemento asociativo e instounas a seguir traballando nel, pero sendo máis visible o seu papel e animounas a participar activamente nos postos de decisións
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas