A comunidade española en Arxentina mobilízase o sábado día 15 contra a reforma do voto exterior

(07/05/2010)

A comunidade española en Arxentina mobilízase o sábado día 15 contra a reforma do voto exterior


HABERÁ UNHA MARCHA DESDE O MONUMENTO A LOS ESPAÑOLES ATA A EMBAIXADA DE ESPAÑA

Redacción, Bos Aires



Os españois residentes en Arxentina manifestaranse o sábado día 15 de maio en contra da reforma do voto emigrante acordada pola subcomisión do Congreso e que considera que restrinxe os seus dereitos cívicos. A mobilización comezará ás 15,00 horas no Monumento dos Españois, avenidas do Libertador e Sarmiento, para marchar logo cara á Embaixada de España.
Esta mobilización responde a unha autoconvocatoria da colectividade no seu conxunto, así como membros de centenares de institucións representativas. Ademais, desde a organización destácase que 1.700.000 emigrantes españois radicados en decenas de países están levando a cabo pronunciamientos e mobilizacións similares.
No pronunciamiento dado a coñecer, o colectivo explica que "convocámonos en defensa do noso dereito a votar, do que nos queren desposuír, e mobilizámonos para evitar que nos reduzan á condición de cidadáns de segunda, violando a Constitución e o Estatuto da Cidadanía Española no Exterior".
Ademais, aseguran que o acordo non é legal e recordan que a Constitución recolle que todos os españois teñen dereito a ser electores e elegibles.
Así mesmo, aseguran que teñen a "firme determinación de preservar, facilitar e perfeccionar o voto dos españois residentes no exterior, todo o contrario que pretende tan absurdo ditame".
No texto mediante o cal estase convocando á colectividade a esta marcha asegúrase que se están estudando medidas de autodefensa "como declarar persoa non grata a nivel mundial a todos os lexisladores e autoridades que impulsen o ditame."