(07/05/2010)
A emigración: tan lonxe, tan cerca
A emigración estivo moi presente na vida e a obra de Xosé Neira Vilas e da emigración na literatura galega falou precisamente onte no salón de actos de instituto de ensino secundario A Pinguela, ante un auditorio integrado por alumnos de todos os ciclos da ESO e de segundo curso de bacharelato. Antes e logo da conferencia, o escritor asinou exemplares dos seus libros aos estudantes da Pinguela, e tamén a unha antiga alumna que acudiu ex profeso ao centro coñecedora da súa presenza. Neira Vilas destacou na súa charla o impulso que supuxo a emigración a América non só para a cultura, senón para o conxunto da sociedade galega na primeira metade do pasado século. Foron emigrantes, segundo recordou, os que custearon desde o outro lado do Atlántico a construción de escolas en moitas poboacións rurais de Galicia. Aldeas que sufrían entón o atraso que tan ben retratou o relator na súa coñecida obra Memorias dun neno galego . Horticelos adiántase á «nevada do cuco». Este ano faltaba por caer a nevada do cuco nas zonas máis altas da montaña lucense. Avisábano os máis vellos do lugar desde hai tempo e o seu prognóstico cumpriuse a comezos desta semana. En plena primavera, o cuco enmudeció por uns días e a neve fixo acto de presenza o luns en zonas do Cebreiro, A Fonsagrada e Os Ancares. Os integrantes da asociación cultural Horticelos, de Bóveda, que o pasado fin de semana acudiron a Piornedo con motivo dunhas xornadas de sendeirismo, libráronse por moi pouco desta nevada con nome de paxaro.
A Escola Oficial de Idiomas de Monforte pechou onte as xornadas de portas abertas que se iniciaron o pasado luns e nas que se incluíron actividades tan diversas como proxeccións de cine, actuacións musicais e degustacións gastronómicas. Neste último capítulo, o protagonismo na xornada de clausura correspondeu a pratos típicos franceses e italianos.
Alumnos do colexio monfortino A Gándara ofreceron onte na casa de cultura a sexta representación do certame municipal de teatro para centros de ensino. A obra elixida, Restaurante Farruco , de Chus Pereiro , foi posta en escena por un grupo de vinte estudantes de A?????Gándara, dirixidos por Carmen Neira . Tamén botaron unha man Nazaret Méndez e Celia López .
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas