Descendentes de emigrantes en Europa afirman 'sentir algunha vez rexeito polas súas orixes'

Descendentes de emigrantes en Europa afirman 'sentir algunha vez rexeito polas súas orixes' 

S.T. - Granada - 15-03-2010

Mozos chegados desde Luxemburgo, Holanda, Bélxica e Suecia e estudantes do CES Ramón e Cajal de Granada debateron nesta cidade, nun encontro organizado pola secretaría de Mocidade da Coordinadora Europea de Asociacións de Emigrantes Españois, sobre a emigración, inmigración e xenofobia. Os descendentes de emigrantes en Europa afirmaron sentirse algunha vez 'rexeitados polas nosas orixes españolas'. O balance do encontro realizado pola súa promotora, Rosa-Anna Barrachina, responsable da secretaría de Mocidade, foi 'de moi positivo e con ganas de repetir'.


Momento da inauguración do Encontro.

'Se non nos reemplazades, isto un día acabarase'. Con estas palabras, e referíndose ao movemento asociativo na emigración, daba a súa benvida ao encontro de Mozos en Granada, o presidente da Coordinadora Europea de Asociacións de Emigrantes Españois, Antonio Navarro. Baixo o título de 'Emigración, Inmigración e Xenofobia', a secretaría de Mocidade da Coordinadora, responsabilidade de Rosa-Anna Barrachina, organizou un encontro entre mozos descendentes de emigrantes, inmigrantes retornados e estudantes granadinos do CES Ramón e Cajal, co obxectivo de intercambiar as experiencias e debater sobre conceptos como tolerancia, racismo e interculturalidade.
Algúns mozos residentes nestes países explicaron como senten que 'cando se dan conta de que non somos oriúndos do país cambian algunhas actitudes'. Os participantes no encontro cualificaron de 'positivo' o encontro ao entrar en contacto coa realidade doutras vivencias de mozos. 'Eu só viña a España de vacacións cando era neno e a percepción que tiña dos mozos de aquí non é a mesma que me levo agora que compartín estes días con eles', aseguraba un dos paricipantes.
Rosa-Anna Barrachina explicaba que 'a idea do tema deste encontro xurdiu tras ler os resultados dunha enquisa realizada polo Injuve entre mozos sobre a percepción da inmigración. Consideramos interesante tratar o tema desde distintas realidades, xa que creo podemos aprender moito uns dos outros'.