(11/03/2010)
Uns 16.000 inmigrantes regresaron voluntariamente aos seus países desde 2009
11/03/2010 - 12:04
MADRID, 11 (SERVIMEDIA)
Ao redor de 16.000 inmigrantes que residían en España volveron aos seus países de orixe durante o ano 2009 e os dous primeiros meses de 2010, mediante os programas de retorno voluntario do Goberno.
Así o afirmou este xoves a nova secretaria de Estado de Inmigración e Emigración, Anna Terrón, apenas unha semana logo de tomar posesión do seu cargo. Segundo explicou, "as cifras do retorno están incrementándose de forma razoable".
"Hai máis xente que se apunta a esta posibilidade e que está acumulando a prestación de desemprego para volver aos seus países de orixe, mentres que outros se acollen ao programa de retorno voluntario por razóns humanitarias", engadiu.
Segundo datos da Secretaría de Estado, o incremento de solicitudes produciuse "nos dous plans", e trátase de "cifras moito máis altas" que as correspondentes a exercicios anteriores.
EXPULSIÓNS
Respecto das expulsións, a nova secretaria de Estado móstrase partidaria de non "eternizar situacións irregulares".
"A inmigración indocumentada debe reverter nun retorno aos países de orixe, e a vontade deste Goberno é que isto se poida facer en prazos curtos e de forma áxil", concluíu Terrón.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas