Oficinas Atención Inmigrantes reducirán os seus fondos un 6 por cento este ano
(24/02/2010)
Oficinas Atención Inmigrantes reducirán os seus fondos un 6 por cento este ano
Santiago Camba declarou que estas oficinas eran financiadas ata o pasado ano, nun 70 por cento, polo Goberno central e nun 30 pola Administración Autonómica, pero este ano o Ministerio de Traballo anunciou recortes na asignación do 50 por cento.
Desta forma a contía do Plan de acción total para este ano é de 2.324.000 euros, dos que a Administración central participa en 1.626.000, mentres que a Comunidade Autónoma galega farao co 30 por cento esixido, que son 697.000 euros, máis 850.000 euros de fondos propios, co que para corporacións locais a Xunta destina 1,4 millóns.
O pasado ano a asignación total foi de 4.976.000 euros, co que a Comunidade Autónoma galega interveu con 1.889.000 euros.
Para o secretario xeral a reunión que mantivo na Consellería de Presidencia cos responsables das oficinas municipais de Inmigración foi unha toma de contacto moi positiva, "aínda que -asegurou- preocúpanos moito o problema da inmigración -en Galicia residen máis de cen mil- nun momento de grandes dificultades económicas como as que se esta vivindo en España".
Indicou que "son colectivos débiles dos que hai que preocuparse e ocuparse" e afirmou que desde a Xunta estase facendo un gran esforzo para facer fronte aos convenios coas sete cidades galegas e coa oficina da Mariña.
Cada unha destas oficinas recibirán 60.000 euros para atender as necesidades de funcionamento.
O secretario xeral de Emigración dixo, tamén, que a Administración galega desexa mellorar os cursos de formación para inmigrantes, porque "non só estamos preocupados -agregou- pola integración, tamén pola súa formación". EFE
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS