(24/02/2010)
A emigración provocou un importante éxodo fai máis de dez anos en diversas localidades da zona. E en especial, no municipio de Carnota. Houbo mariñeiros que optaron por vender as súas embarcacións para cargar as maletas de ilusións rumbo a lugares máis prósperos e con traballo garantido. Canarias era unha alternativa e a construción e a hostalería daban empregos fáciles e ben remunerados. Pero cando a cousa cambiou, houbo retornados que regresaron á súa primitiva profesión de mariñeiro.
O patrón maior de Lira, Juan Manuel Gómez Leis, sinalou que o censo da flota da localidade apenas variou. «Hai cinco anos teriamos uns trinta barcos, vos mesmos que \ agora».
Para o dirixente, a emigración foi unha saída fácil pero cando as cousas empezaron a ir mal polas illas, «houbo xente que volveu e comprou un barquiño para quedar aquí e ir vivindo do mar como fixeron dende sempre, tanto eles coma seus pais».
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas